頭先同個舊同事城城傾計，講起一單有趣的事，現在想起也忍俊不禁。我們果時做埋同一個部門，我記得做美股有個(超流利)英語的男同事十分英俊，我還記得他的名字很特別，叫"戒戒"。果時我成日都會拿着個box file去他工作處徘徊，而每當他來到我的部門時我都會目不轉睛地看着他，後來被城城發現到，他八八卦卦地話要撮合我們。

我記得有晚我們三人去吃飯，(但點解會一齊又唔記得了)他話他在hku讀law，又做副警，咁城城問佢米無時間陪gf囉，佢話佢無，唔知點解後來佢會送我回家，我還記得一路上他講了不少做副警的趣事給我知。無幾日，城城竟然提都無提戒戒，咁我覺得好奇怪，但又唔敢問。後來城城同我講叫我死心吧，我問他點解?城城嬲嬲地講:佢話對佢有意思。哈!我記得我當時的心情都唔知好嬲定好笑，不過我只知道我一提戒戒，佢就會丙我。

無幾耐我就同我bf一齊啦!原本我同戒戒有一張唯一的合照，但係唔知點解佢會醋勁大發，竟然要我丟掉合照，所以現在我對他的樣子很模糊。當時我反而不是怕我bf會誤會，而是怕戒戒會搞我的bf，但係我bf死都唔信戒戒是(基)的，只是懐疑我地是否有(路)。唉!果時真係俾佢激死。

朋友對我來說是好重要的，無論是男或女，他們在我心目中都有一定地位。好像細妹、長平、師妹，她們都是我的閨中蜜友，尤是長平，她時常找我傾訴心事，有時我們都會有拗撓，但係我們都好快便平息，她們聰明、漂亮而年輕，我十分羨慕她們，每當她們在失戀時都會找我傾訴心事，我們更試過一齊出去識男仔，而當我被人欺負時她們都會為我抱不平。

男仔方面，皇子、細佬、小熊都唔錯呀，雖然他們時常改我花名，乜野玉女呀、碧玉呀，都係取笑我年紀大而沒有男朋友，不過我都無嬲，因為佢地都成日話女仔無男朋友都總好過識錯人喎!

在大學裏，其實熟朋友也不算多，因為始終大家見面時間比較短，所以只有卡卡、安廸比較熟，但自從他倆分別拍拖後，我們都好耐無見，始終大家已不同科，所以只是間唔中聯絡一下。阿仔都算熟，尤其是我們常拿肥豬來開玩笑，但我竟然當他是女仔，不過他是不知道的，因為他知道一定會丙我，但最近我發覺他好像不睬我，也難怪，他始終是肥豬的朋友，同我太close始終也不太方便。還有姐姐啊!她時常會給我一些筆記，以及給予我一些哲學的知識。

其實在人生中，每每遇到一些壞人，有時你會當他是朋友，但轉過頭可以反臉無情，而且更惡意中傷你，所以我每每被炸到稀巴爛時才知道自己被人出賣，當然事後我會好傷心，但是我總相信他們只是我生命中的過客，而且更相信(剃人頭者，人亦剃其頭)的道理。所以我會選擇忘記這些人，因為好快我就會打起精神迎接新的未來。

自從一而再被肥豬找到後，我都唔知應該怎樣去寫blog，怕又被他看到。因為有許多事我都好難對朋友講，而只能透過寫blog而舒發自己的心情。其實人性本自私，試問有幾多個人係會攞個心出黎同你交朋友，有的大多數只能共富貴而不能共患難；唉!無辦法，所以義氣有時都係得個講字。咁都還好，有d人重衰，只係做d損人而不利己的事情，例如:搬弄事非。佢地都唔知乜野心態，而事實上呢d人又好多，咁先至叫人沮喪呀!

不過最令人沮喪都莫過於被所愛的人偒害，這種痛苦程度，真係用（心如刀割）就最貼切啦！唔知點解覺得身邊朋友有bf錫，而自己卻在情路上吃盡苦頭，兒時又得不到親人痛錫，所以一直都希望有個家，有個痛惜我的人，但係．．。